नेपाल मेडिकल काउन्सिलले विदेशमा एम.बि.बि.एस./ बि.डि.एस. वा सो सरहको अध्ययन गर्न जानु अघि काउन्सिलबाट Eligibility Certificate लिएर मात्रजानहुन भनी सम्बन्धित सबैलाई पटक–पटक सूचनाप्रकाशनगरि जानकारी गराउँदा पनि बंगलादेशका केही विश्वविद्यालयहरू/कलेजमा Eligibility Certificate नलिएका नेपालीविद्यार्थीहरू अध्ययन गरेको पाईएको र साथै एम.बि.बि.एस./वि.डि.एस. अध्ययन गर्नको निमित्त काउन्सिलको मापदण्ड निर्देशिका अनुसार आवश्यक मापदण्ड नपुगेका विद्यार्थीहरू र साथै स्वयं बंगलादेशको शैक्षिक मापदण्डको नियमअनुसार GPA पुगेका नेपालीविद्यार्थीहरू पनि अध्ययनरत पाईएकोले त्यसरी अध्ययन गरिरहेकाविद्यार्थीहरू मापदण्ड र नियमविपरित भर्ना भएको हुँदा अबिलम्बनियमको पालना गर्न अनुरोध गरिन्छ ।
विदेशका विभिन्न मेडिकल कलेजहरूमा काउन्सिलबाट Eligibility Certificate नलिई एम.बि.बि.एस./वि.डि.एस. वा सो सरहको अध्ययन गर्न गएका नेपाली विद्यार्थीहरूले विभिन्न समस्या भोगिरहेको भन्ने गुनासो तथा उजुरीहरू औपचारिक, अनौपचारिक रूपमा सुन्नमा आएकोले ती देशका केही कलेजहरूमा शैक्षिक सत्र सुरूवातको वर्षमा काउन्सिलबाट Goodwill visit गर्न जाने काउन्सिलको निर्णय भए अनुसार काउन्सिलबाट 14-21 November, 2011 मा बंगलादेशस्थित विभिन्न मेडिकल कलेज तथा विश्वविद्यालयमा Goodwill visit गरिएको थियो । उक्त Goodwill visit को क्रममा धेरैजसो कलेजहरूमा GPA कम भएका विद्यार्थीलाई पनि भर्ना गरिएको, नक्कली प्रमाणपत्रहरू जारी गरेको, काउन्सिलबाट Eligibility Certificate नलिएका नेपाली विद्यार्थीहरूलाई पनि प्रलोभनका साथ भर्ना गरिएको आदि लगायतका विभिन्न समस्याहरूबाट पीडित नेपाली विद्यार्थीहरू पाईएकोले उक्त Visit को Report मा उल्लेख भएअनुसार बंगलादेशका निम्नलिखित कलेजहरूमा हाललाई नेपाली विद्यार्थीहरूलाई एम.बि.बि.एस./वि.डि.एस. अध्ययन गर्न नपठाउने मिति २०६८ पौष ५ गतेको काउन्सिलको निर्णयानुसार जानकारीगराईन्छ ।
1. Enam Medical College
2. Dhaka National Medical College
3. Islamic Bank Medical College
4. Khawaja Yunis Ali. M.C.
5. Holy Family Red Crecsent Medical College
6. Shahbuddin M.C.
7. East West Medical College
8. BGC-Trust Medical College
9. USTC
साथै नेपाल मेडिकल काउन्सिलको नियमविपरित यसरी अध्ययन गरेका विद्यार्थीहरूको काउन्सिलमादर्ता नहुने व्यहोरा यसै सूचनाद्वारा सूचित गरिन्छ । यसबाट पर्न जाने समस्याप्रति नेपाल मेडिकल काउन्सिल जवाफदेही नहुने व्यहोरा अवगत गराइन्छ ।
